Dhoop ki kirnoon ne kuch chupan chupaai ka khel shuru kiya aur ekdam se parde ke kisi kone se nikal kar seedha Dhananjay ki aankhon me padi?.apne muh ko dusari taraf karte hue woh phir karwat lekar soone ki koshish karne laga?.par jab Suraj ne soch hee liya ki ab unhe apne prachand roop me aana hai to koi kaise bach sakta hai?.maan to nahi tha par Dhanajay ne socha jab Suraj bhi uthne ke liye bol rahe hai to woh koun hota hai?.

Uthte hee kuch khichaav sa lagne laga, aisa laga jaise kisi ne pairo ko jakad ke rakha hua hai?dekha to aisa kuch nahi tha par pair phele dino ke mukaable kuch bhaari se ho gaye the?.usne socha kyuki kal paidal march hua tha ho sakta hai uski wajah se ho??aankhe kholi to kuch ajeeb sa nazaara tha?deewaaro ki parte utri utri si thi jaise bol rahi ho ki qaid me rehne se acha aazad hee ho le?makddi ke jaale chaaron taraf faile hue the jaise ghar me insan nahi unka raaj ho?.

Yeh kuch aam dino ke mukaable ki zindagi to nahi thi ?.ghar phele jaisa nahi lag raha tha?.bahar ka shor sharaba bhi nahi tha?.."Aisa kaise ho sakta hai, koi aawaz nahi aarahi khidki bahar se na ander se" yeh bolkar Dhananjay kamre se bahar ki tarah nikla?.usne ghar ke bache kuche kamroan ko chaana to koi nahi tha?koi bhi nahi?.

Tabhi achanak uski naraz ghar ke seeshe par padi jo dhool ki chaadar se lipta hua tha?.naa jaane sheesha aks dikhanae ki bajaye aaj kuch aur hee dikha raha tha?.usne kuch dhool ki chaadar haataayi aur ek dam se chaunk gaya?"Yeh koun hai, yeh mai to nahi?.yeh shaksh kuch buda buda sa raha hai aur abhi mere ko to budape ki dehleej par jaane me waqt hai"?.usne poore sheeshe ki dhool ki chaadar hatayi to saamne khada aks uske jaisa to bilkul nahi tha?..woh ek thaka hua, safed aur kam baalon ke sath, aakhoan ke neeche gadhe pade hue aur kandhe kuch jhuke hue aisa shaks tha?.

Saamne se aawaz aayi "kyu chaunk gaye, yeh koi aur nahi mai hee to hu..waise logo ko pehchane me maharath hai aur apne ko nahi pehchaan pa rahe"?.kaisi kash-m-kash si thi, " jo mai nahi tha wohi mai hu aur jo mai tha woh mai nahi hu?".."Thik hai tumhee bol lo" kehkar Dhananjay chup ho gaya aur tukar tukar saamne shaks ko dekhne laga?

Jo karwat Dhanajay ne li thi ab usse lagne laga woh karwat lene me bhout zyda der kar di aur shayad waqt sabko lekar aage bad gaya ?."Mere ko to bhout kuch karna tha ..bhout kuch?.ghar lena tha..shaadi karni thi?.baauji ko chaar dhaam lekar jaana tha"?.aise sochkar woh saamne wale shaks se alag ho gaya?.

Usse abhi bhi lag raha tha ki shayad ek sapna hai?.ussne zor se aawaz lagayi par koi na aaya?.na ghar wale na padosi..koi nahi?..ajeeb se akdan thi sharer me?.chalne me dikkat ho rahi thi usse?.

"Aise kaise ho sakta hai mere sath, mai to kal raat me hee sabse baat karke soya tha"

Ek a ek dusare me gaya to usse baauji kursi pe baithe hue dikhe "Lo mai sabko aawaz de raha tha aur aap yahan aaram se baithe hue ho..mai bhi socho ki ho kya raha hai mere sath". Baauji ne koi jawab nahi diya aur uski taraf tukur tukur dekhte rahe bas. Ussne phir bola "Ab kya mere ko chillana padega apni baat sunane ke liye", tab bhi sirf baauji aur uske beech bas khaamoshi hee thi aur kuch nahi?.

Woh baauji ki taraf gaya aur jaise hee unko hath lagaya, kuch bhi pakad me na aaya?..dimag ki nasein shayad phatne lagi ki yeh ho kya raha hai?..tabhi Baauji bole "Pagle itna shor kyu macha raha hai?.mere ko sunaai de raha hai, par haan ab cheezien waisi nahi jaisi tu soch raha hai"

Itna kehkar baauji wahan se nikalne lage to usne unko rok liya?."Ab bataoge bhi ki yeh chal kya raha hai"?baauji ka sateek sa jawab "Bas chal hee to nahi raha kuch bhi"?.."Tu to mere ko char dhaam ki yatra ka sirf bol raha tha, roz mai bol bol ke thak gaya par tera woh din na aaya".

Dhanajay ke dimag me aaya ki yeh bhi kya wajah hui itni naarazgi ki?.usne bola "Ab agar lekar nahi aauga to tum chale jaaoge kya", baauji bole "Tu lekar nahi gaya to koi aur aaya aur lekar chala gaya"?..jawab sun kar dimaag sunnn sa pad gaya uska phir?

Tabhi peeche se choti behen ke aawaz aayi "Bhaiya tumne bhi bola tha ki issbaar ki holi ki chutti pe ghar sajayege, bhout saare rang laayege, mandir jaayege, kahna ji ko rang lagayege, tum kahan chale gaye the"..woh usko sunta raha aur dekhta raha?ab zubaan bina kuch bole jal si gayi thi isliye kuch bhi bola ja nahi raha tha?..itna kehkar choti behen bhi ekdam se kamre se nikal gayi?

Dhananjay uske peeche gaya par ek - ka - ek phir woh choti behen bhi achanak se kamre se gayab ho gayi?..kuch to ajeeb sa ho raha tha uske sath jo uski soch se bhout pare tha?baauji hote hue bhi nahi the aur choti behen kuch bolkar ekdam gayab ho gayi?

Socha ho sakta hai yeh ghar me hee koi dikkat ho, chalo bahar dekhe shayad gali ke dost mil jaayge?bahar nikalte hee logo ka huzum sa dikha?..log kam bheed zyda thi?sab chehre ek se lagne lage aur sab aawaaz bhi?.chauk pe jaane ka maan hua to dekha kuch bude baithe hue the aur bas aapas me baatien kar rahe the?..do Kadam aage bada kar dekha to chehre kuch jaane pehchaane se lage "oye yeh to Amit aur Suraj hai, yeh bhi bude kaise lag rahe hai, jo itna furteele hua karte the woh ab khud se hee tham se gaye hai."

Maan phele bhi shayad khud se baat karne ka nahi karta tha aur shayad ab bhi baat karne ka nahi kara?.thak haar kar socha ghar hee wapas laut chalte hai, yahan duniya bhout badli badli si lag rahi hai?.ghar aakar dekhta aur phir aawaazien lagayi to koi nahi aaya, sirf sannata tha, na baauji dikhe na choti behen?

Wapas uss sheeshe ke saamne jaakar dekha to iss baar nazaara kuch aur tha?.."Issbaar to mai hee khada hu?waisa hee jawan, waisa hee chabeela"?usse samaj aagaya ki yeh waqt ki karwat hee thi jo usse kuch dikhana chah rahi thi?..woh khud se kabhi bhi kuch chahat nahi rakhta tha to thak haar kar ussko waqt ne apni karwat hee dikha di?.

Jo Dhananjay ke sath hua shayad hamare sath bhi ho sakta hai?farak yahi hai ki jo hamare paas hai ham unse hee durr hai?.yeh hamari banayi doori hee hai jo hame sabse alag kar rahi hai??