Diwali ka din zyda durr nahi tha aur har jagah roshni ki koi kiran kisi ghar par dikh hee jaati thi..iss saal ki Diwali phele jaisi hee thi iss kahani ke kirdaro ke liye. Ab kahani bina kisi kirdar ke kahan ban paati hai. Issliye, iss kahani me bhi kuch log hai jo apni pehchaan ko talashte rahte hai
Darwaaze ke peeche se ek dabi si aawaz aayi "bahar bachoo ko mana karo ki patakhe itne nazdeek se na chalaye". Yeh kahte hue babuji Ravinder ko bolte hue kamre me chale gaye. Ravinder bhi maan me bhout si baaton ko dabata hua bachoo ki tarah bad gaya. Ravinder Diwali ke 2 din baad 45 ka ho jaayega aur babuji 10 din baad 85 ke. Dono ka janamdin ek hee maheene aata hai aur iss maheene Diwali bhi thi.
Teen kamro ke makaan me Ravinder aur usske babuji akele rahte the. Maa ka dehaant kuch saal phele ho gaya tha aur Ravinder kuch apni majbooriyon ke chakkar me shaadi nahi kar paaya. Issliye Diwali ya kisi festival ke aane par woh hamesha bachta tha logo se aur apne aap se. Ek ajeeb si hawa thi uss ghar me jahan 2 insaan ek dusare par nirbhar hote hue bhi nahi the.
Babuji 85 ke hote hue bhi khud sab kuch karte the. Unka yahi manna raha tha hamesha ki dusaro par wohi nirbhar rahta hai jo khud kuch nahi kar sakta aur unki nazar me woh sab kar sakte the. Ab ek retire school teacher se aap kya umeed lagaye jo apne usuloo par aaj tak kaayam tha. Chehre ki juriyaan, kandhe ka jukhna bhi unke aatmsamaan ko nahi jhukha sakta tha.
Ravinder bhi 45 ka hone wala tha aur usko iss cheez se koi takleef nahi thi..haan takleef usske ird gird logo ko hamesha rahti thi ki woh kuwaara kyu hai..koi kuch kahta tha to koi kuch. Duniya bhi to aajkal dusaro par baat karne me waqt zaya nahi karti par apne bare me baat karne me sabko shikaayat rahti hai. Par Ravinder ko farak nahi padta tha, shayad uske kaan ab patthar ho gaye the.
Ravinder apne babuji ke kabhi utna karib nahi tha. Woh hamesha apni maa ke karib raha aur aaj tak uske zehan se maa ka chehra nahi gaya tha. Haan babuji ki woh bhout kadr karta tha par pyar karta tha ki nahi yeh usse aaj tak nahi pata tha. Insan maa ke karib waise bhi zyda hee rahta hai par ab uss ghar me 2 insan the jo apne hisse ki zindagi apne hisab se jee rahe the.
Ek-a-ek Ravinder ek kamre me gaya aur kuch puraani photo albums ko dhundne laga. Kitne dino baad shayad saalo baad usne aaj purani tasveero ke dekhne ka maan banaya. Har tasveer par mitti ki parat chadh gayi thi par Ravinder ke zehen me koi parat nahi thi?usse har tasveer ki gehraai saaf saaf dikh rahi thi. Ussne apne babuji ki puraani photo aaj bade gaur se dekhi..woh hairaan ho gaya ki babuji kitne sunder the apne zamane me aur woh to unke karib bhi nahi?tabhi darwaaze se aawaz aayi "tumne aaj office nahi jaana kya"..Ravinder ne tezi se tasveero ko sametna shuru kiya par babuji ne usse dekh liya?
Babuji aaye aur apni puraani tasveero ko bade chav se dekhne lage?85 saal ka insaan apne 25 saal ki jawani me shayad chala gaya tha?woh kuch bole nahi aur saari tasveero ko dekhne lage, shayad kuch tatool rahe the?"yeh photo dekho, jab mai pheli baar teacher ki job ke liye gaya tha school, tie lagayi hui thi aur aajkal ke ladke"..woh har tasveer ko bhout gaur se dekh rahe the jaise har tasveer unhe kuch mehsus karwa rahi ho?
Tasveer me insan hamesha ke liye jaisa hota hai waise qaid ho jaata hai..kaale ghane baal, chauda seena, aur wohi jawani ka josh..aur 60 saal baad aaina me zurriyaan, kuch safed baal aur jhuke khande dikhne lagte hai?
Office ka waqt kab chala gaya pata hee nahi chala aur dono ne tasveero ko ghanto tak sang dekha. Ab shayad kuch purani yaadien hee thi bachi jo dono ko uss 3 kamre ke ghar me jod kar rakh rahi thi..bete ke har farz ko Ravinder ne bhout khoobi se nibhaaya tha par usse shayad Babuji ka zyda bolna bhashan lagta tha?
Babuji ne Ravinder se kaha aaj tu aaram kar mai tere liye khaana banata hu. Ravinder ka maan paseej gaya aur ussne kaha "Babuji paap chada rahe ho, aap aaram karo, mai bana lunga". Par Babuji nahi maane aur unhone Ravinder aur apne liye aalo ke paranthe banaye. Dono ne bade chaav se paranthe khaaye aur chai ki chuski li..Apne kamre me aane ke baad Ravinder ki aankhe aaj bheeg gayi, usse laga ki saari umar ussne shayad babuji ko galat samjha, unko apne se zyda usski fikar hai par yeh woh kabhi mehsus nahi kar paaya?
Shaam ke waqt ajeeb sa sannaata tha..aaj babuji ne koi news channel nahi dekha..apne kamre me hee rahe woh?sham hote hote Ravinder ne socha ki dekhu babuji kar kya rahe hai?woh dekh kar hariaan ho gaya ki Babuji usski kuch tasveero par bade pyar se haath pher rahe the..woh ehsaas ussne kabhi mehsus nahi kiya tha?
Tabhi Ravinder ne mitti ki khushboo mehsus ki..diwali ke aas paas baarish ka hona apne aap me chamatkar hai par aaj jo uske sath ho raha tha woh bhi to chamatkar se kam nahi tha?ussne bahar dekha to baarish ho rahi thi aur ussne paani ki har boond ko aaj apne pe girne diya..woh 45 ki umar me apne aap ko 15 ka mehsus karne lag gaya tha jaise ek bacha baarish me bheegna chahta hai?
Babuji ne bhi baarish ki aawaz sunte hee bahar ki aur Ravinder ko bheegte hue dekha..unhone Ravinder ko koi aawaz nahi lagayi aur usse bheegne diya aaj?Ravinder balcony me dono baahon ko philaaye aur aankhe band kar baarish ki boondon ko apne pe padne de raha tha..
30 minute baad woh ander aaya to ussne dekha ki Babuji ne usske liye chai bana di thi?"tum bheeg gaye ho na issliye yeh pee lo"?Ravinder ne babuji ko dekha aur uski aakhne bhar gayi?ab baarish ki boondon jo chehre par padi hui thi aur aansoon ko pehchaana mushkil tha kisi ke liye bhi?
Ussne babuji ko kaha ki aaj aapse kuch kahna chahta hu?"Babuji mai 45 ka ho gaya, aur aaj tak akela hee hu, maine apne akelepan ko hamesha mehsus kiya aur kabhi aapko bataya nahi, mere liye aap pita rahe par kabhi hamare beech me woh rishta nahi raha jo dosto ka hota hai, issme dosh mera hee hai, mai aapse har roz durr hota gaya, aap to wahin khade the hamesha, kadam to mere hatne lage aur dosh mai aapko deta gaya, par aaj mehsus hua ki aap to hamesha mere sath hee khade the. Thank you babuji jo aapne mere liye kiya in 45 saalo me"
Itna kahkar babuji ne Ravinder ko apne gale se laga liya aur uska maatha chuma. Karib 25 saal ke baad babuji ne Ravinder ko gale se lagaya jab woh colleage me 1st aaya tha. Babuji usse apne kamre me le gaye aur usse ek cheez dikhaayi?yeh babuji ki dairy thi jo unke alawa kisi ke paas nahi rahti thi..Babu ji ne Ravinder ke 45 saalo ka saaraansh uss dairy me likha tha..uss diary ka write koi aur tha par hero Ravinder hee tha?
Iss kahani ka koi anth nahi hai, yeh ek behti hui nadi ki tarah hai jo chalti rahegi, haan kahani me koi mirch ya masala nahi hai par ek rishta hai jo baap aur b�te ke beech hai?.1 adhed umar ka shaqs aur 1 buruzrg?dono akele hote hue bhi ekdusare ka sahara hai...rishto ke beech ki kadvahat kabhi bhi aapsi pyar ko khatam nahi kar sakti?apnapan mehsus kiya jata hai, bolne se apna kabhi apna nahi ho sakta..aur yahi iss kahani ka saaransh hai?.!!!!!
Darwaaze ke peeche se ek dabi si aawaz aayi "bahar bachoo ko mana karo ki patakhe itne nazdeek se na chalaye". Yeh kahte hue babuji Ravinder ko bolte hue kamre me chale gaye. Ravinder bhi maan me bhout si baaton ko dabata hua bachoo ki tarah bad gaya. Ravinder Diwali ke 2 din baad 45 ka ho jaayega aur babuji 10 din baad 85 ke. Dono ka janamdin ek hee maheene aata hai aur iss maheene Diwali bhi thi.
Teen kamro ke makaan me Ravinder aur usske babuji akele rahte the. Maa ka dehaant kuch saal phele ho gaya tha aur Ravinder kuch apni majbooriyon ke chakkar me shaadi nahi kar paaya. Issliye Diwali ya kisi festival ke aane par woh hamesha bachta tha logo se aur apne aap se. Ek ajeeb si hawa thi uss ghar me jahan 2 insaan ek dusare par nirbhar hote hue bhi nahi the.
Babuji 85 ke hote hue bhi khud sab kuch karte the. Unka yahi manna raha tha hamesha ki dusaro par wohi nirbhar rahta hai jo khud kuch nahi kar sakta aur unki nazar me woh sab kar sakte the. Ab ek retire school teacher se aap kya umeed lagaye jo apne usuloo par aaj tak kaayam tha. Chehre ki juriyaan, kandhe ka jukhna bhi unke aatmsamaan ko nahi jhukha sakta tha.
Ravinder bhi 45 ka hone wala tha aur usko iss cheez se koi takleef nahi thi..haan takleef usske ird gird logo ko hamesha rahti thi ki woh kuwaara kyu hai..koi kuch kahta tha to koi kuch. Duniya bhi to aajkal dusaro par baat karne me waqt zaya nahi karti par apne bare me baat karne me sabko shikaayat rahti hai. Par Ravinder ko farak nahi padta tha, shayad uske kaan ab patthar ho gaye the.
Ravinder apne babuji ke kabhi utna karib nahi tha. Woh hamesha apni maa ke karib raha aur aaj tak uske zehan se maa ka chehra nahi gaya tha. Haan babuji ki woh bhout kadr karta tha par pyar karta tha ki nahi yeh usse aaj tak nahi pata tha. Insan maa ke karib waise bhi zyda hee rahta hai par ab uss ghar me 2 insan the jo apne hisse ki zindagi apne hisab se jee rahe the.
Ek-a-ek Ravinder ek kamre me gaya aur kuch puraani photo albums ko dhundne laga. Kitne dino baad shayad saalo baad usne aaj purani tasveero ke dekhne ka maan banaya. Har tasveer par mitti ki parat chadh gayi thi par Ravinder ke zehen me koi parat nahi thi?usse har tasveer ki gehraai saaf saaf dikh rahi thi. Ussne apne babuji ki puraani photo aaj bade gaur se dekhi..woh hairaan ho gaya ki babuji kitne sunder the apne zamane me aur woh to unke karib bhi nahi?tabhi darwaaze se aawaz aayi "tumne aaj office nahi jaana kya"..Ravinder ne tezi se tasveero ko sametna shuru kiya par babuji ne usse dekh liya?
Babuji aaye aur apni puraani tasveero ko bade chav se dekhne lage?85 saal ka insaan apne 25 saal ki jawani me shayad chala gaya tha?woh kuch bole nahi aur saari tasveero ko dekhne lage, shayad kuch tatool rahe the?"yeh photo dekho, jab mai pheli baar teacher ki job ke liye gaya tha school, tie lagayi hui thi aur aajkal ke ladke"..woh har tasveer ko bhout gaur se dekh rahe the jaise har tasveer unhe kuch mehsus karwa rahi ho?
Tasveer me insan hamesha ke liye jaisa hota hai waise qaid ho jaata hai..kaale ghane baal, chauda seena, aur wohi jawani ka josh..aur 60 saal baad aaina me zurriyaan, kuch safed baal aur jhuke khande dikhne lagte hai?
Office ka waqt kab chala gaya pata hee nahi chala aur dono ne tasveero ko ghanto tak sang dekha. Ab shayad kuch purani yaadien hee thi bachi jo dono ko uss 3 kamre ke ghar me jod kar rakh rahi thi..bete ke har farz ko Ravinder ne bhout khoobi se nibhaaya tha par usse shayad Babuji ka zyda bolna bhashan lagta tha?
Babuji ne Ravinder se kaha aaj tu aaram kar mai tere liye khaana banata hu. Ravinder ka maan paseej gaya aur ussne kaha "Babuji paap chada rahe ho, aap aaram karo, mai bana lunga". Par Babuji nahi maane aur unhone Ravinder aur apne liye aalo ke paranthe banaye. Dono ne bade chaav se paranthe khaaye aur chai ki chuski li..Apne kamre me aane ke baad Ravinder ki aankhe aaj bheeg gayi, usse laga ki saari umar ussne shayad babuji ko galat samjha, unko apne se zyda usski fikar hai par yeh woh kabhi mehsus nahi kar paaya?
Shaam ke waqt ajeeb sa sannaata tha..aaj babuji ne koi news channel nahi dekha..apne kamre me hee rahe woh?sham hote hote Ravinder ne socha ki dekhu babuji kar kya rahe hai?woh dekh kar hariaan ho gaya ki Babuji usski kuch tasveero par bade pyar se haath pher rahe the..woh ehsaas ussne kabhi mehsus nahi kiya tha?
Tabhi Ravinder ne mitti ki khushboo mehsus ki..diwali ke aas paas baarish ka hona apne aap me chamatkar hai par aaj jo uske sath ho raha tha woh bhi to chamatkar se kam nahi tha?ussne bahar dekha to baarish ho rahi thi aur ussne paani ki har boond ko aaj apne pe girne diya..woh 45 ki umar me apne aap ko 15 ka mehsus karne lag gaya tha jaise ek bacha baarish me bheegna chahta hai?
Babuji ne bhi baarish ki aawaz sunte hee bahar ki aur Ravinder ko bheegte hue dekha..unhone Ravinder ko koi aawaz nahi lagayi aur usse bheegne diya aaj?Ravinder balcony me dono baahon ko philaaye aur aankhe band kar baarish ki boondon ko apne pe padne de raha tha..
30 minute baad woh ander aaya to ussne dekha ki Babuji ne usske liye chai bana di thi?"tum bheeg gaye ho na issliye yeh pee lo"?Ravinder ne babuji ko dekha aur uski aakhne bhar gayi?ab baarish ki boondon jo chehre par padi hui thi aur aansoon ko pehchaana mushkil tha kisi ke liye bhi?
Ussne babuji ko kaha ki aaj aapse kuch kahna chahta hu?"Babuji mai 45 ka ho gaya, aur aaj tak akela hee hu, maine apne akelepan ko hamesha mehsus kiya aur kabhi aapko bataya nahi, mere liye aap pita rahe par kabhi hamare beech me woh rishta nahi raha jo dosto ka hota hai, issme dosh mera hee hai, mai aapse har roz durr hota gaya, aap to wahin khade the hamesha, kadam to mere hatne lage aur dosh mai aapko deta gaya, par aaj mehsus hua ki aap to hamesha mere sath hee khade the. Thank you babuji jo aapne mere liye kiya in 45 saalo me"
Itna kahkar babuji ne Ravinder ko apne gale se laga liya aur uska maatha chuma. Karib 25 saal ke baad babuji ne Ravinder ko gale se lagaya jab woh colleage me 1st aaya tha. Babuji usse apne kamre me le gaye aur usse ek cheez dikhaayi?yeh babuji ki dairy thi jo unke alawa kisi ke paas nahi rahti thi..Babu ji ne Ravinder ke 45 saalo ka saaraansh uss dairy me likha tha..uss diary ka write koi aur tha par hero Ravinder hee tha?
Iss kahani ka koi anth nahi hai, yeh ek behti hui nadi ki tarah hai jo chalti rahegi, haan kahani me koi mirch ya masala nahi hai par ek rishta hai jo baap aur b�te ke beech hai?.1 adhed umar ka shaqs aur 1 buruzrg?dono akele hote hue bhi ekdusare ka sahara hai...rishto ke beech ki kadvahat kabhi bhi aapsi pyar ko khatam nahi kar sakti?apnapan mehsus kiya jata hai, bolne se apna kabhi apna nahi ho sakta..aur yahi iss kahani ka saaransh hai?.!!!!!
Support Ajay Gupta
